Vorráðstefna Þjóðskjalasafns
16. maí 2023
|
|
Vorráðstefna Þjóðskjalasafns Íslands verður haldin í fimmta skipti þann 16. maí nk. Að þessu sinni verður dagskrá vorráðstefnunnar með breyttu sniði sem byggist á því að einn aðalfyrirlestur verður fluttur og í framhaldinu munu tveir málshefjendur leggja út frá erindi aðalfyrirlesara. Í framhaldinu verða umræður um efnið.
Aðalfyrirlesari vorráðstefnunnar er kanadíska fræðikonan Laura Millar. Laura Millar hefur starfað sem ráðgjafi í nærri 40 ár á sviði skjala- og upplýsingastjórnunar, við kennslu og fræðslu og er höfundur fjölda bóka um skjalavörslu og skjalastjórn.
Fyrirlestur Laura Millar á vorráðstefnu Þjóðskjalasafns Íslands kallast „Half-told Tales: Facts, Evidence, and the Search for Truth“. Fyrirlesturinn er fluttur á ensku og mun ráðstefnan öll fara fram á ensku. Rósa Magnúsdóttir, prófessor í sagnfræði við Háskóla Íslands og Aðalsteinn Kjartansson, rannsóknarblaðamaður á Heimildinni munu svo bregðast við fyrirlestrinum með stuttum framsögum. Undir lokin verða umræður.
Nánari upplýsingar um vorráðstefnuna, Laura Millar og útdráttur úr erindi hennar má finna hér: https://skjalasafn.is/frettir/laura_millar_a_vorradstefnu_thjodskjalasafns
Upplýsingar um skráningu má finna hér: https://radgjof.skjalasafn.is/fraedsla/radstefnur/vorradstefna-thjodskjalasafns-islands-2023/
|
|
Heimild maímánaðar
Skjalaskipti Þjóðskjalasafns og Árnasafns árið 1904
|
|
Á fyrstu áratugum 20. aldar var ítrekað leitast eftir að Danir afhentu Íslendingum skjöl sem höfðu borist til danskra stofnanna. Í heimild maímánaðar fjallar Gísli Baldur Róbertsson um kröfu Jóns Þorkelssonar, þjóðskjalavarðar, að Árnasafn í Kaupmannahöfn afhenti skinnskjöl sem voru í þess fórum.
Hér má lesa heimild mánaðarins: https://skjalasafn.is/heimild/2023-05
|
|
Úr Orðabelg
Í Orðabelg – sögulegu hugtakasafni Þjóðskjalasafns Íslands er hægt að fræðast um einstök orð eða hugtök sem koma fyrir í sögulegum textum.
Demonstrera: Færa sönnur á, leiða í ljós.
https://ordabelgur.skjalasafn.is/
|
|
|
|
|
|
