Copy
Iniciativa pol Asturianu nun solicita sovenciones. Sostiense gracies a les tos aportaciones económiques o de voluntariáu. Asóciate dende 20 euros al añu.

El mayor consensu pola #Oficialidá de la hestoria autonómica

Iniciativa pol Asturianu pide que s'impulse una reforma del Estatutu

La oficialidá axunta güei a 17 de los 45 diputaos del parllamentu, más de  los que tien lactual partíu de gobiernu. Les formaciones polítiques que se comprometieron colos sos votantes a defender la oficialidá (Podemos, Izquierda Xunida y Foro) han xuntar fuercies agora ya impulsar una reforma del Estatutu dautonomía quincluya esti estatus llegal pal idioma, trabayando pa convencer a los demás partíos de la necesidá de camudar esta situación inxusta ya inesplicable nun sistema democráticu.
lleer más
 

Iniciativa pol Asturianu renueva Direutiva 
Inaciu Galán encabeza una nueva dirección con 20 vocalíes "p'abrir nueves estayes de trabayu"

Iniciativa pol Asturianu celebró na tarde del sábadu 30 de mayu, el so segundu Congresu. La votación de los socios renovó como presidente al periodista y escritor Inaciu Galán, como secretariu al periodista Rubén Martín-Llames como secretariu y a Teno Prau como ayalgueru. Amás escoyéronse alredor d'una ventena de vocales nuevos que vienen a renovar el llabor de la organización. lleer más

Record de la #Oficialidá en Twitter: 1.600.000 impresiones

El vienres 9 de mayu la sociedá asturiana salió a la cai por mor del Día de les Lletres Asturianes pa reclamar la oficialidá del asturianu. Dende Iniciativa pol Asturianu presentamos agora un informe de la repercusión d’esta reivindicación en Twitter, onde la etiqueta o hahstag #Oficialidá convirtióse en viral, llegando a más de 500.000 persones y con un total 1,6 millones d’impresiones (númberu de vegaes que los tuits fueron vistos) lleer más

Iniciativa pol Asturianu fai balance de 4 años nel 
Conseyu Asesor de Xixón 

Iniciativa pol Asturianu quixo aprovechar el caberu Conseyu pa facer constar nel acta que nos cuatros años de xestión en Política Llingüística últimos nun se dio nengún pasu alantre en materia de normalización llingüística en Xixón.  
Amás, recordamos l'incumplimientu de la Ordenanza municipal d’usu del asturianu nel ámbitu del Conceyu de Xixón, aprobada en 2008. lleer más

Un llamáu pol idioma a la sociedá nel Festival Pallabra nel mundu

Nel actu lléeronse poemes na nuesa llingua, cola presencia d'autores como Esti Rubio, Laura Calvo, Mariluz Pontón, Esther García, Virginia Gil, Berto García, Francisco Priegue, Marisa López Diz, Luis Suárez... asina como una intervención del presidente d'Iniciativa pol Asturianu, Inaciu Galán, y de la  conceyala de Cultura, María Esther García López. Amás, hebo un conciertín del grupu Filanda, con dellos temes n'asturianu. lleer más y ver videu

El grupu Fame poétika 
n'Iniciativa pol Asturianu nes ondes

Iniciativa pol Asturianu nes ondes llega con una entrega nueva. Nel programa d'esta selmana falamos con Andrés Treceño @AndrewTrece del proyeutu de poesía llibre @FamePoetika nel qu'organicen timbes en dellos llugares pel nuesu país. lleer más

Iniciativa pol Asturianu collabora con Musa Cafeína

Iniciativa pol Asturianu collabora con Musa Cafeína y Litografía Viña na convocatoria del III Concursu de Microrrellatos y Micropoemes col envís d’afalar la creatividá lliteraria. Per segundu añu consecutivu esti concursu va incluyir al asturianu, pudiendo presentase testos na nuesa llingua, na convocatoria y na imaxe y bases del certame. El concursu tien abiertu'l plazu d'entrega d'orixinales hasta'l 21 de xunu de 2015 a les 24:00 hores. lleer más 

Fran Allegre n'Iniciativa pol Asturianu nes ondes

Esta selmana Iniciativa pol Asturianu nes ondes viaxa pa la fastera lleonesa onde falamos fonderamente col músicu y artesanu, Fran Allegre. Va cuntanos el trabayu abondo importante que ta faciendo na recuperación del nuesu idioma común neses tierres de Lleón. lleer más

Iniciativa pol Asturianu na Manifestación pola Oficialidá

Un añu más numberosos miembors d'Iniciativa pol Asturianu participaron con una pancarta que reclamaba "Queremos un futuru n'asturianu. Normalización. Dignidá. Oficialidá", amás de col repartu de folletos informativos y chapes pola oficialidá, que fueron mui bien acoyíes.  lleer más | ver semeyes

Reclamamos la Oficialidá na llectura institucional de Castrillón

Inaciu Galán, presidente d'Iniciativa pol Asturianu fizo un llamáu a participar na Manifestación pola Oficialidá del asturianu un día enantes na Casa Conceyu de Castrillón, onde taba convidáu en representación d'Iniciativa pol Asturianu. lleer más | ver videu

Alcuentru con candidatos a l'alcaldía 
de Xixón

El pasáu Iniciativa pol Asturianu participó nun alcuentru colos candidatos a l'alcaldía de Xixón nel qu'Inaciu Galán, presidente de la organización, fizo una entruga sobre la situación de la política llingüística en Xixón y la necesidá de poner en funcionamientu la Ordenanza d'usu del asturianu, aprobada en 2008 en Xixón.  lleer más | ver videu

Iniciativa pol Asturianu llamenta la muerte de Xaviel Vilareyo

A los 48 años morría de forma prematura esti profesor y escritor n'asturianu y gallego-asturianu. Ñacíu en Mieres del Camín en 1967 foi un activu escritor y activista cultural, poniendo en marcha numberoses iniciatives alredor de la lliteratura, la música y el cine, siempres comprometíes col usu del asturianu. lleer más

Conceyu informativu con Foro

Nel actu los representantes de Foru esplicaron el so programa en materia de política llingüística incluyendo delles apreciaciones sobre la inclusión de la oficialidá como promesa electoral per primer vegada pa esta formación. lleer más

Dempués de les quexes, reabre'l SNL
de Mieres

Iniciativa pol Asturianu presentó va dos meses una quexa nel rexistru del Conceyu de Mieres dempués de recibir l'avisu de dellos vecinos del conceyu y saber que'l Serviciu de Normalización Llingüística taba peslláu. Dempués d'esta quexa y col entamu del mes de xunu, volvió a ponese en funcionamientu esti serviciu de gran importancia pa la normalización y promoción del idioma. lleer más

Programa nuevu d'Iniciativa pol Asturianu nes ondes

Entamamos col Editorial que fai una reflexón al rodiu'l compromisu real de los partíos políticos pa col asturianu. Darréu una entrevista con Jaime Bevan, cabezaleru de l'Asociación "Cymdeithas yr Iaith", defensora del idioma galés. lleer más y sentir programa

boletín informativu #42

Esti boletín ye un espaciu d'información pa los asociaos y asociaes d'Iniciativa pol Asturianu, amás d'aportar a xente a la que-y preste tar informao de la nuesa actividá. Animámoste a tar en contactu cola organización, a facenos llegar les tos propuestes, quexes, aportaciones. 



¿Cómo facese sociu en namás 2 minutos?
Facese sociu d'Iniciativa pol Asturianu ye mui cenciello y con ello ayudes al funcionamientu d'una organización que trabaya pol futuru del asturianu, con campañes, con diálogu y alcuerdos, denunciando los casos de discriminación, buscando soluciones pal futuru del idioma. Si quies participar d'esti proyectu, faite sociu simpatizante, dende 20 euros al añu, o miembru dende 60

-Faite sociu en 2 minutos equí.
 
-O pídinos la fueya d'inscripción:
contautu@iniciativapolasturianu.org
 
¡Tamos esperándote! Toma la iniciativa pol asturianu.
 



¿Quién somos?

Somos una asociación que trabaya pola normalización del idioma asturianu y pol reconocimientu de los drechos llingüísticos de los sos falantes. Atalantamos que l’asturianu ha ser vertebrador de la sociedá asturiana y que’l so usu ha ser treversal, afalando a les instituciones, organismos privaos y sociedá civil a tomar les midíes necesaries pa la so normalización como ferramienta de comunicación, elementu identitariu y patrimoniu cultural y económicu de la sociedá asturiana que ye. Iniciativa pol Asturianu ye un colectivu abiertu a toles persones esmolecíes pola situación del asturianu y comprometíes con cambiar esta situación. 
 

¿Qué facemos?

Trabayamos p’algamar espacios de normalidá pa la llingua asturiana, al traviés d’acciones concretes que mos permitan llegar a alcuerdos con entidaes de tou tipu que supongan afitar l’usu del asturianu n’ámbitos nuevosIniciativa pol Asturianu trabaya pola busca de consensos y alcuerdos sobre l’usu del asturianu, pero tamién fai usu de campañes reivindicatives nes situaciones nes que ye necesario.
 
¡Siéntilu nel ordenador o llévalu contigo nel to reproductor dixital!

Programes selmanales

Iniciativa pol Asturianu nes ondes emítese amás cada selmana en...

Onda Corvera (107.5 FM)
Radio Narcea (107.5 FM, Cangas)
Radio QK (107.3 FM, Uviéu)
Radio Sele (106.1 FM, Uviéu)
Radio Parpayuela (94.0 FM Mieres)
Radio Nava (108.0 FM, Nava)
Radio L.lena (105.8 FM, L.lena)
Radio Noreña (Siero y Noreña)
Radio Ujo (107.2 FM, Mieres)
Radio AllerFM (Ayer)
Radio Alma (101.9 FM, Bruseles)
Onda Peñes (107.2 Cabu Peñes)
ALDERIQUES D'ASTURIES: EL NUESU PROYECTU TELEVISIVU
Distribúi les noticies de forma llibre *|2011|* *|LIST:INICIATIVA POL ASTURIANU|*.
Email Marketing Powered by Mailchimp