Einhver vandamál við lesturinn? Smelltu hér til að opna í vafra (browser). 

HEFUR ÞÚ ÁHUGA Á AÐ SJÁ UM SHORTS&DOCS KVIKMYNDAHÁTÍÐINA?

FK auglýsir nú eftir manneskju til að sjá um heimilda- og stuttmyndahátíðina Reykjavík Shorts&Docs ! Ef þú hefur áhuga, skaltu senda póst á filmmakers@filmmakers.is með ferilskrá þinni, reynslu sem nýtist í þetta verk og yfirlýsingu á áhuga þínum til að kynna þér málið nánar.

Æskilegt er að þú hafir skipulagshæfileika, einhverja reynslu á sambærilegum störfum, gott viðmót, óbilandi metnað og auðvitað brennandi áhuga á stuttmyndum og heimildamyndum.

Frestur til að skila inn umsókn nær til 2.maí. 2011.
Láttu endilega í þér heyra ef þú hefur minnsta grun um að þú viljir og getir gert gott í þessu hlutverki.

SLATTI AF FÉLAGSSKÍRTEINUM FÓR Í SNIGLAPÓST 1.APRÍL
Þau eiga að koma til þeirra sem á Íslandi búa á mánudaginn 4.apríl. Aðeins þeir sem voru búnir að borga félagsgjald þessa árs og búnir að senda mynd fyrir aðalfundinn eru að fá sitt skírteini núna.

Þeir sem sendu mynd nýlega þurfa bara að bíða eftir nýrri prentun sem verður vonandi mjög fljótlega. Látið bara í ykkur heyra ef þörf er á skírteini einsog skot.

Næst munum við senda út þann 2.maí. fyrir alla þá sem borga fyrir þann tíma. Ef þið viljið fá skírteini fyrr þá getið þið sent póst á filmmakers@filmmakers.is

Á næsta ári verða skírteinin og aðalfundur svo fyrr á ferðinni, koma strax í byrjun árs.

ICELANDIC CINEMA ONLINE VEFURINN !
Icelandic Cinema Online er nýr íslenskur vefur sem fer í loftið í apríl.  Vefurinn býður upp á aðgengi að íslensku kvikmyndaefni hér á landi sem og erlendis. Stefnan er að bjóða upp á fjölbreytt úrval af  kvikmyndum,  heimildarmyndum, stuttmyndum, sjónvarpsþáttum og  öðru kvikmyndatengdu efni frá Íslandi.  

Löglegt aðgengi að íslensku efni á netinu hefur verið takmarkað hingað tilIcelandic Cinema Online og  markmiðið með vefnum að bæta úr því. Vefurinn er einnig góður vettvangur fyrir framleiðendur að koma kvikmyndaefni sínu á framfæri á mun stærra markaðssvæði en gengur og gerist í gegnum hefbundnar dreifileiðir.

Gríðaleg aukning er í eftirspurn eftir kvikmyndaefni á netinu og mikilvægt að íslenskir framleiðendur  og kvikmyndagerðarfólki nýti sér þau tækifæri sem netið hefur upp á að bjóða.

Aðstandendur Icelandic Cinema Online eru um þessar mundir að safna kvikmyndaefni fyrir vefinn.. Efnisöflun hefur gengið vel fram að þessu og framleiðendur almennt hrifnir af verkefninu.

Framleiðendur og aðrir rétthafar íslensks kvikmyndaefnis eru hvattir til að hafa samband hafi þeir áhuga að koma kvikmyndaefni sínu á framfæri á vefnum.  Vinsamlegast hafið samband við Sunnu í síma 6930995 eða með því að senda henni mail á sunna@icelandiccinema.com.

Icelandic Cinema Online á Facebook 
Icelandic Cinema Onine á vefnum

SKELLTU ÞÉR Í BÍÓ PARADÍS !
Dagskrá Apríl mánaðar má finna með því að smella hér.


Bíó Paradís sýnir nýjar áhugaverðar kvikmyndir frá öllum heimshornum auk hverskyns eldri mynda erlendra sem innlendra, hýsir kvikmyndahátíðir og stendur fyrir fjölbreyttum kvikmyndatengdum viðburðum.

Í Bíó Paradís er einnig að finna veitingahús og verslun með mynddiska og annan kvikmyndatengdan varning.

Bíó Paradís er því nokkurskonar hjarta kvikmyndamenningar í landinu; áfangastaður allra þeirra sem vilja eiga góðar stundir í afslöppuðu umhverfi sem angar af andrúmslofti kvikmyndanna. 

Bíó Paradís á facebook.
Bíó Paradís á vefnum

EDDUVERÐLAUNIN 2011

Verðlaunin voru afhent við hátíðlega athöfn þann 19. febrúar 2011 í Íslensku Óperunni.
Það má finna úrslitin á heimasíðu hátíðarinnar. 
www.eddan.is 

Kvikmyndirnar Brim eftir Árna Ólaf Ásgeirsson og The Good Heart eftir Dag Kára voru helstu sigurvegarar kvöldsins. Brim hlaut sex verðlaun, þar á meðal fyrir bíómynd ársins, og The Good Heart hlaut fimm útnefningar, meðal annars fyrir handrit ársins og leikstjórn ársins.
Hrafn Gunnlaugsson fékk heiðursverðlaun Eddunnar þetta árið. 
Kaus hann að nota aðstöðu sína þegar hann tók við verðlaunum úr hendi forseta Íslands og nýtti þakkarávarp sitt alfarið til að hvetja forsetann til að skrifa ekki undir ný lög um Icesave. Gísli Einarsson var valinn sjónvarpsmaður ársins af íslensku kvikmyndaakademíunni en Þóra Arnórsdóttir var kjörin vinsælasti sjónvarpsmaður ársins af sjónvarpsáhorfendum í símakosningu. Frétta- og viðtalsþáttur ársins var valinn Landinn, sem einnig er í stjórn Gísla. Skemmtiþáttur ársins var hins vegar Spaugstofan. Í flokki menningar- og lífstílsþátta var Fagur Fiskur valinn bestur, en Stundin okkar sem barnaþáttur ársins.

Smellið hér til að sjá myndir frá hátíðinni.

AÐALFUNDUR FK 2011
Aðalfundur Félags Kvikmyndagerðarmanna
 var haldinn laugardaginn 26. febrúar 2011 á efri hæð Iðnó við Tjörnina kl. 16:00.

Buðum við þar Goða Má Guðbjörnsson velkominn í stjórnina.

Stjórn 2011:
Formaður
     Hrafnhildur Gunnarsdóttir
Varaformaður
     Stefanía Thors
Gjaldkeri
     Guðbergur Davíðsson
Ritari
     Anna Þóra Steinþórsdóttir
Stjórnarmaður
     Anton Máni Svansson
Stjórnarmaður    
     Arnar Marrow Einarsson
Stjórnarmaður
    Júlía Embla Katrínardóttir
Varamaður stjórnar
    Guðmundur Erlingsson
Varamaður stjórnar
    Goði Már Guðbjörnsson

Jón Karl Helgason og Hákon Már Oddsson voru samþykktir áfram sem endurskoðendur félagsins.

Smellið á eftirfarandi til að skoða nánar:
Skýrsla formanns  v. starfsársins 2010
Fundargerð aðalfundar FK 2011


NORTHERN WAVE HÁTÍÐIN Í GRUNDARFIRÐI
Alþjóðlega stuttmyndahátíðin Northern Wave var haldin um síðustu helgi í Grundarfirði fjórða árið í röð. Fjölmörg verðlaun voru veitt en þó ekki aðeins fyrir stuttmyndir. Á laugardagskvöldið var haldin í annað sinn hin vinsæla fiskisúpukeppni hátíðarinnar í húsi Djúpakletts við Grundarfjarðarhöfn. 


Hátt í 300 manns mættu, bæði gestir og bæjarbúar, og 8 súpulið kepptu um bestu fiskisúpuna. Í ár var bætt við að með handverksmarkaði bæði á súpukeppninni og á kvikmyndasýningunum sjálfum. Hrefna Rósa Sætran landsliðskokkur dæmdi í súpukeppninni og veitti 3 viðurkenningar og ein verðlaun fyrir bestu súpuna. Fyrstu verðlaun fékk saumaklúbburinn Samheldni með Lilju Mósesdóttir í fararbroddi ásamt 9 skólasystrum úr Verzlunarskólanum, en Lilja er eini Grundfirðingurinn í hópnum.

Árni Ólafur Ásgeirsson, Kristín Jóhannesdóttir og Romain Gavras sátu í dómnefnd í stuttmynda- og tónlistarmyndbandakeppninni. Romain Gavras stóð fyrir frábærum fyrirlestri sem Vera Sölvadóttir og Logi Hilmarsson stýrðu á laugardeginum. Romain sýndi úr tónlistarmyndböndum sínum og nýjustu mynd sinni “Our day will come” við mikinn fögnuð áhorfenda.
Verðlaunaafhending hátíðarinnar fór svo fram á sunnudeginum, þar sem veitt voru þrenn verðlaun.

Veitt voru verðlaun fyrir bestu alþjóðlegu stuttmyndina að upphæð 80.000 kr., bestu íslensku stuttmyndina einnig að upphæð 80.000 kr. og besta íslenska tónlistarmyndbandið, en gogoyoko.com gaf 100 Evra inneign á heimasíðu þeirra í verðlaun og hátíðin gefur 40.000 kr. króna verðlaun.

Besta alþjóðlega myndin af mati dómnefndar var þýska myndinMein Sascha” eftir Markus Kaatsch. Besta íslenska myndin var stuttmyndin “Clean” eftir Ísold Uggadóttur og besta íslenska tónlistarmyndbandið var við lagið “Young Boy” eftir tónlistarmanninn Berndsen, leikstýrt af Helga Jóhannssyni.

 
Hátíðin hefur nú þegar fengið styrk frá Menningarsjóði Vesturlands fyrir næstu hátíð sem að verður haldin í fimmta sinnið á næsta ári í Grundarfirði.




 Northern Wave hátíðin á facebook 


Northern Wave hátíðin á vefnum


INSIDE PICTURES VINNUSTOFA - UMSÓKNARFRESTUR 4.APRÍL

Umsóknarfrestur til að sækja um þátttöku á vinnustofunni Inside Pictures rennur út þann 4. apríl. Þetta er í fyrsta skipti sem aðilar utan Bretlands geta sótt um þátttöku. Inside Pictures miðar að því að efla tengslanet framleiðenda og stjórnenda og auka skilning þeirra á hinu alþjóðlega umhverfi sem kvikmyndaiðnaðurinn þrífst í.

Inside Pictures er hluti af þjálfunaráætlun MEDIA.

Upplýsingar má nálgast á www.inside-pictures.com.
 

NORRÆN VINNUSTOFA FYRIR UPPRENNANDI KVIKMYNDAGERÐARMENN

Kvikmyndastofnanir Norðurlandanna, Norræni kvikmynda- og sjónvarpssjóðurinn og Evrópski kvikmyndaskólinn (European Film College) standa fyrir þriggja daga vinnustofu fyrir upprennandi kvikmyndagerðarmenn á Norðurlöndunum. Vinnustofan fer fram í Danmörku dagana 8. – 11. júní 2011. 

Umsóknarfrestur rennur út þann 7. apríl 2011.

Vinnustofan er opin fyrir leikstjóra, framleiðendur og handritshöfunda sem hafa gert að minnsta kosti eina kvikmynd, þó ekki fleiri en tvær.

Umsóknum og ferilskrám skal skilað inn til Sigurrósar Hilmarsdóttur hjá Kvikmyndamiðstöð Íslands á netfangið sigurros@kvikmyndamidstod.is.

Upplýsingar um vinnustofuna má lesa hér.


SKILAFRESTUR UNDIRBÚNINGS MEDIA NÁLGAST

Nú fer hver að verða síðastur til að byrja á undirbúningsumsókn til MEDIA vorið 2011.  Skilafrestur rennur út 11. Apríl og er umsóknin tvískipt.  Fyrst er e umsókn sem skila verður á netinu til að fá númer og þar á eftir er pappírspakkaumsókn sem verður að vera póstlögð Í SÍÐASTA LAGI 11. Apríl 2011.

Endilega hafið samband strax ef þið hafið hug á að senda inn umsókn.

Email/Netfang: mediadesk@iff.is
Web/Veffang: www.mediadesk.is
 

SKILAFRESTUR Í NORDISK PANORAMA

Myndir kláraðar 2011: skila í síðasta lagi 15.Maí

Nordisk Panorama mun fara fram dagana 23. – 28. september 2011 í Árhúsum Danmörku. Stutt-og heimildamyndir framleiddar 2010-2011 teljast gjaldgengar séu þær:

  • Sjálfstæð framleiðsla
  • Norræn framleiðsla eða leikstýrt af norrænum leikstjóra
  • Textaðar á ensku eða til í enskri útgáfu

Umsóknum skal skila inn rafrænt og hægt er að fylla þær út hér. Frekari upplýsingar og reglugerðir má finna hér.

Heimasíða Nordisk Panorama.

LUMAR ÞÚ Á EFNI Í FRÉTTABRÉF

Endilega sentu þá allar upplýsingar í pósti á filmmakers@filmmakers.is

FK Á FACEBOOK

Félag Kvikmyndargerðarmanna heldur uppi fésbókarsíðu sem inniheldur ýmsar fréttir, endilega skráðu þig og nýttu þér hana til að fylgjast með sem og koma þínum viðburðum á framfæri.

SÆKJA UM AÐILD AÐ FK

Félagar geta orðið þeir sem lokið hafa a.m.k. eins árs námi frá viðurkenndum kvikmyndaskóla, eða hafa sinnt skapandi eða sérhæfðum faglegum störfum við kvikmyndagerð í minnst 12 mánuði. Aðild að félaginu er bundin við einstaklinga.

UMSÓKN Í MENNINGARSJÓÐ

Menningarsjóðurinn úthlutar styrkjum eingöngu til einstaklinga sem eru félagar í FK og eru skuldlausir við félagið. Þarf minnst að hafa borgað tvenn ársgjöld.
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til a sþ

STJÓRN FK 2011

Hrafnhildur Gunnarsdóttir
         
formaður
Stefanía Thors
         
varaformaður
Guðbergur Davíðsson
         
gjaldkeri
Anna Þóra Steinþórsdóttir
          
ritari
Anton Máni Svansson
         
stjórnarmaður
Arnar Marrow Einarsson
         
stjórnarmaður
Júlía Embla Katrínardóttir
         
stjórnarmaður
Guðmundur Erlingsson
         
varamaður stjórnar
Goði Már Guðbjörnsson
         
varamaður stjórnar

Our mailing address is:
www.filmmakers.is - filmmakers@filmmakers.is - Copyright (C) 2010
Félag Kvikmyndagerðarmanna / The Icelandic Filmmakers Association - Hverfisgata 54 - 101 RVK - Iceland
Email Marketing Powered by Mailchimp